聞名已久，但究竟有幾好食呢？
有次行開中環區諗住過去食，點知去到門口：無開門！
原來呢度星期日同公眾假期都係唔開，想試既朋友記住睇下個日曆先。。
因為有朋友話「出得銅鑼灣區唔係食粥呀！？」既關係，咁就乘機搭過去中環區試下。
揾左個位坐低，睇睇餐牌，咦，好似咁貴既 =v=”
40-50 左右一碗牛腩麵，心裏盤算緊係咪算貴呢。。
麵底有幾種揀，伊麵、粗麵、河粉、米粉，最後點左碗牛腩伊麵。
平日中午，間舖唔算大，但都無咩吉位，有外國人，內地人同西裝骨骨既人，可能係因為佢既名聲，講性價比，呢間係中環區相信算唔錯，所以中午近下午茶時間都有啲人係度食。
等左十幾分鐘左右，碗麵上枱，睇落都無咩特別姐，咪又係麵一碗。
夾一串麵，飲一啖湯底。。
哇！個湯好好味！
相信係一個好足料既牛腩湯，湯底亦都好清。
再試件牛腩。。
哇！好腍好好食！入口即溶既感覺 =v=
嗱，即係咁，可能有唔少地方都可以揾到呢種味道同口感既牛腩麵，但衣家到處都百物騰貴，有唔少餐廳都為左慳成本，減質又減量，好食又抵食既餐廳少之又少。
呢間唔算好平，但真係足料又好食，絕對值得一試～
評分-
價錢- $50
地址- 中環歌賦街21號地下