原來故事仲未完?
上篇講到兩個星期部機就 RIP 左, 個人有 d 灰. 呢個部分唔係講後續, 而係想講下另一個買既原因: Windows Phone 8, 同一 d 相關既事情. 簡單而言就係上篇講硬體, 下篇會講一下軟體.
但先講下一下, 下篇同樣都係用 Lumia 920 作為測試機, 如果簡單咁唔用任何術語形容下呢部機呢, 我會咁講:
"部機有個大 mon. 但拎上手幾重下, 如果拎開既果部機同你銀包差唔多重既話, 咁呢部機你一定覺得重. 有一般用開既耳機插頭, 實體制得 3 個: 音效既, 開關機制同相機制. 可以選擇既顏色有好多種: 黑白灰黃紅, 藍色香港無出. 相機影出黎既相宣傳既時候話有幾靚有幾靚咁, 但實際都係得夜景特別少少而然.
軟體唔係你 d friends 一路用緊既果種, 所以暫時唔好希望裏面有 Puzzle & Dragons(遊戲), Candy Crush(遊戲), The Sims Freeplay(遊戲). 不過大路 apps 都係有既, 例如 Facebook, Twitter, 新浪微博, 網易微博, 高德地圖, 百度地圖, 携程, 本地報張, AAStocks, 再加 LINE, whatsapp, Foursquare, Openrice, KMB, 同 HK Movies. 我諗大路常用 apps 大概係呢 d. 仲有 TVB Fun 同 Skype.
如果你用既 apps 主要係得以上所講既, 再加上睇完上篇之後你覺得 ‘吓? 我覺得呢 d 野無咩問題 wor, 係你用得咁詳細先會發現既 je~’ 咁你都可以考慮下 Windows Phone 8 系列既機既."
好, 打手做完, 開始入番正題, 軟體:
其實 Windows Phone 8 個介面都唔係咁差既
如果單係講介面既話, 其實都唔係咁差既. Live Tile 或者 d 轉介面既動畫都好順. 而且幾鍾意個鎖定畫面, 夠簡潔, 而且可以揀選幾個 Apps 放係個鎖定畫面顯示 d 資訊, 幾唔錯.
長按個返回制有一 list 岩岩用過既 Apps, 有個截圖可以睇下轉 Apps 之前既狀態. 如果可以即時更新, 反映番即時既狀態咁就更加好啦.
 |  |  | ||
| 鎖定畫面, 版面非常簡潔 | 按音量鍵會顯示播緊咩歌 同靜音制 | 岩岩用過既 apps, click 一下就會轉過去 |
 |
| click 一下其中一個就會轉到去相關字首既部分 |
而係個日曆裏面, 佢顯示一整月既方式, 我認為有待改善. 例如 d 日期同待辦事項既字都太細, 而且又係 d 唔知咩文, 一來又睇唔清, 二來又睇唔明. 或者可以從簡, 考慮下將 d 事件變成一個點去表達, 然後個日期可以放大少少都可以.
 |  | |
| 有顯示星期幾的啊! | 原來 d 字唔係中文! (我係 set 語系係中文 ga) |
仲有就係諗極都諗唔明點解個畫面比例係 5:3 而唔係一般影片既 16:9 又或者係 4:3? 淨係見到個相機 apps 有兩條黑邊, 唔通真係以為旁邊係黑色會唔覺?
Live Tile 其實有少少失望
見到個咁特別既 Live Tile 介面, 我以為可以做到好多我以為佢可以做到既功能. 我以為 Live Tile 可以作為一個簡單既快捷鍵, 而唔係單單用黎開 apps 或者開 apps 裏面既某一頁既, 例如可能有個 Tile 一點就可以開關飛行模式. 如果有個 app 既狀態變左係會立即改變個 Tile 既圖示, 同時會改變個 Tile 按完後既功能. 仲有 d double-click, 長按出一兩項額外功能一類.
我以為 developers 可以係一個 Tile 上面設多於一個功能, 例如可能按 Tile 既左邊係"播歌同暫停", 而按右邊可以播下一首.
我以為個 Live Tile 更新既頻率可以快過而家既限制, 例如可以 10 秒轉一下咁. 有時 set 左少少野, 就算望住個畫面都未見到更新, 所以就覺得應該容許更新得密一 d, 但當然唔好變左放電啦, 可能加多少少設定, 例如只係當個 Live Tile 係畫面既可視範圍先做一個較為頻密既更新.
 |
| 尾二尾三既果兩行要用 apps 先可以整出黎既~ |
有 d 中文字原本唔係一個詞組黎既, 但係如果個用家不停咁打某一串字, Winodws Phone 8 會幫你記低果個組合, 當你再次打第一隻字既時候, 你就會見到個選擇詞組既欄位上面會有果串字既下一個字, 可以係個詞組欄揀字就可以打完果串字. 係幾方便既.
另外如果用倉頡既時候, 當剩低一個選擇既時候, 佢會自動幫你揀選左, 唔洗繼續打. 例如個 "既" 字, 本來係 "日戈一女山", 但係 "日戈一" 已經會剩番一個選擇, 所以唔洗禁個 "女" 字已經會見到個 "既" 字輸入左. 一開始覺得超唔方便, 要睇住個 mon 睇下會唔會已經打好左隻字, 而且可能會攪到唔記得左原本個字既倉頡碼係咩. 所以我覺得應該加番個設定係開關呢個功能會好 d.
英文輸入法方面, 我都唔係好肯定究竟點樣可以唔揀佢 d 建議用字, 一時會自動入左個建議字, 一時就無, 因為有時會打 d 助語詞, 例如 “ge”, “gua”, “je”, "XD”, 但自動入左個建議字就會變左其他字, 好唔方便.
 |
| 輸入第二次已經見到有得揀~ |
點解唔可以更簡單呢? 我公司有個 WPA2 既 WIFI access point, 但係用呢部機就連極都連唔到, 原本諗住係好似以前 Symbian 咁, 就算其他平台唔一定要認證, 係呢到都一定要設定好先可以連. 但發現設定完張認證都係連唔到, 點解會發生 d 咁既事呢...
唔穏定既 Notification
當個 WIFI 間唔中連下斷下既時候, 部分既 notifications 會停左而且唔會即刻自動開番, whatsapp, email 同 Facebook 都發生過. 當打開個 Email app 既時候, 仲曾經見過有個錯誤話連唔到hotmail 既 exchange server.
另外, 我認為 whatsapp 或者 Microsoft 整既果個 Facebook app 既 notification 都有待改善. 有時因為 notification 既奇怪原因會 miss 左一兩個 messages...
奇怪既備份限制...
點解要 set 番張 lock screen 圖做 Bing 先可以做得到第一次既 backup? 點睇呢個 bug 實在太奇怪吧?
中段小結: 仍然係 "有待改善"
Live Tile, 係個 list 揀 items 既捷徑又或者係個揀日期時間既介面, 其實諗法係幾好, 而且做出黎都有佢既獨特性, 但問題係無留意到 d 細莭位. 可能以前既 Windows Mobile 年代都係咁, 但我覺得又改名, 又改版本, 我係唔係應該期望佢係每方面都有突破呢?