黎到本篇既最後一部分, 講完介面同一 d 細節位之後, 再詳細少少講一下 Apps 方面既部分問題:
Apps 係超級唔足夠
有 d apps 係幾好既, 例如 Nokia Map 係幾有用同幾方便既. 但係 App Market 上面既 apps, 質同量兩方面都好唔足夠, 令到我對 Windows Phone 8 既印象唔係幾好. 而且好多都只係中文簡體既 apps, 又唔見左好多大 apps 好似 Flipboard 同 Instagram, 真係有少少唔方便.
 |  | |
| Bloomberg: 暫時同 WP8 見到既播片介面 有少少唔同, 呢個係有 controller 拉時間軸 | 蘋果日報: 唔肯定係唔係特製, 但係呢個都係有 controller 拉時間軸 | |
 |  | |
| 携程無綫: 特別想講係佢果揀日期既介面, 有番 WP8 既風格, 底部仲有一兩個快捷鍵 | 港鐵服務大使: 實用 app, 呢個揀站既介面係幾特別既 |
其實係有遊戲既?
當我見到 “Windows” 呢個字, 我最期待係會有 d 只係得 PC/Xbox 先有得玩既遊戲會出現, 或者會有更多 提升遊戲體驗既 apps 配合 PC 或者 Xbox 一齊使用既. 但係我見到既都係 d 其他平台都見得到既遊戲, 而且得最出名既一兩隻, 版本又舊, 而且好大部分都係 d 中文簡體字既遊戲, 缺乏一 d 有水準既遊戲. 另外, 究竟幾時會有 d 特別既遊戲出現於 Xbox 既分類裏面?
下面係其中四隻比較像樣既遊戲:
 |  | |
| Asphalt 7: 琴日突然見到既! 好 game 唔介紹啦! | Crimson Dragon Side Story: 呢隻係得 WP 先有既遊戲, 係橫向射擊遊戲 | |
 |  | |
| Unite: 呢隻似乎暫時得 WP 版本, 目標係將所有鐵珠合成一粒 | Bubble Eyes: 呢隻係點 d 眼仔, 目標係清曬 d 眼仔過關 |
有個說法係, Windows Phone 少遊戲既原因係因為専為返工人士而設既. 但雖然係咁講, 個內置既 Windows Phone 質素其實都有少少問題. 的確可以用黎打開同編輯 Office 文件, 但係個 Office App 裏面可以用既編輯功能其實係極少, 簡單講係同一個記事本無分別. 我以為最起碼都可以開個 Table 同加下列呀. 仲有個排版同電腦睇係完全兩碼字既事, 咁樣根本就唔可以用黎改文件. 最起碼要有個選擇可以轉番去 A4 View.
而且當我開其中一封 email 既附件, 發現幅圖個底黑色一片, 點解同樣係 Office, Windows Phone 上面會差咁多呢?
 |  | |
| Word Document 既編輯模式, 簡潔到成個記事本咁, 個 table 係向 web 版加定既 | 諗住 d 功能係個 menu 裏面, 但係打開發現都係無 |
有個同 Skydrive 文件同步既功能係 Office 裏面係幾好既, 可以係網上多一份備份. 但係我覺得呢個功能係好需要一個好大既改進, 其中一樣係應該有番個文件合併工具. 如果手機上面同網上面都有新既改動, 就好應該合併番 d 改動落一個文件, 而唔係二選一, 只可以要其中一個版本. 另外, 我認為好需要加番個網上同手機同時編輯既功能, 或者係多用家同時編輯同一個 file.
Windows Phone Apps 既範本設計, 係有 d 我唔明白既原因?
個預設 Windows Phone Apps 範本好似無一個非常好既 User Experience(UX) 俾番用家, 特別係個超大既 banner 固定係頂.
例如 Microsoft 整既果個 Facebook App 為例, 關於實用性方面, 我有幾個位想講:
1. 咁大段 banner 係頂, 就少左好多位去睇個 news feed. 呢個設計係 PC 就唔覺有咩問題, 但係係手機, 因為畫面大小相對 PC 既 mon 係好細, 所以每一寸都應該用到盡, 唔應該太浪費.
2. 當我個 news feed 有新 posts 既時候, 我唔明點解一定要我上番頂睇新 posts? 如果我仲有好多舊 posts 未睇, 但係又不斷有新 posts 入黎, 咁我究竟要用幾耐時間先可以睇完 d 舊 posts 呢?
3. d 相既 thumbnails 真係太細, 基本上要一張一張相咁放大黎睇, 而且要 like 相一定要放大張相先得. 其實應該盡可能唔使轉頁, 同要 click 既數目越少越好.
4. news feed 預載得好似太慢唔可以好順咁掃落去睇舊 post.
5. 點解我打開個 inbox message 既時候, 唔係直接去到最新既果 d messages 果到, 而係睇住最舊既果句 message 呢?
6. 點樣可以係一個 album 裏面儲存一d 相落黎?
7. 點樣可以刪除我自己剛剛留下既留言?
 |  | |
| 三分之一既畫面唔係顯示內容既, 預覽縮圖細到呢... | 打留言要轉畫面都算啦, 連個 like 制都係打開幅相先見到! |
除左 d 主介面, 我唔知邊度做得好. Apps 同遊戲呢個咁明顯既問題真係要處理一下, Microsoft 話帶左其他平台部分出名既 apps 過黎, 好啦, 係有唔少實用 apps 既, 但遊戲係唔係需要隻隻都帶過黎 Windows Phone 平台我就有 d 保留. 始終其實唔少用家就算無擁有過, 都應該用過 iOS 或者 Android 裝置, 如果有玩開手機遊戲既話, d common 既遊戲, 好似 Angry Birds 或者 Plant & Zombie 其實隨時已經玩過曬同打爆左好耐. 所以我覺得遊戲方面(apps 既情況都係類似) 最重要係吸引 d 開發者主動將佢地既遊戲, 係開發既同時, 都用少少時間開發 Windows Phone 版本, 俾 d 優惠或者好處吸引佢地, 如果唔係 d 新遊戲成日都係慢半拍, 其實我諗唔係個個 WP 用家都接受到.
而其他既細節位好應該做好 d, 例如 Office 同個 Live Tile, 既然獨一無異得 Windows Phone 先有就更應該做得功能齊 d, 而且應該做得實用 d. 我就當係因為新平台所以要多少少用家回報同時間先可以改善番好, 但真係唔好拖太耐囉, 打鐵要趁熱~
Windows Phone 唔係完全無希望既, 但係如果佢唔做 d 改進既話, 我係唔會再試過既.