一早起身有啲野做，諗住向東涌食個午飯先走，點知星期六，到處都係人山人海，唯有轉場去第二度食。諗起好耐好耐以前有個朋友介紹向深水埗既店，咁就過黎試下。
未黎之前我以為係一間有舊式既門面，簡單既裝橫既餐廳仔，但去到見到個門面都幾別緻。
店裏面亦都唔算好大，呢間主要係食車仔麵既，揾個靚位坐低，拎張餐牌睇。
揀三樣野，湯底，麵類同餸。
果日話雞湯底會配魚片，個人唔算特別鍾意食魚片，所以揀左個魚湯底 (唔記得有冇記錯，魚湯底配鴨件 =v=)，油麵再加三寶同牛腩。
侍應們都好友善，見我有啲唔知想點咁，就講解一下要點叫法，不過記緊帶番少少零錢，我就因為唔記得帶，結果找左一堆散銀。。。 =w=”
評分-
價錢- $42 @ 1人
地址- 長沙灣順寜道65號地下 (長沙灣地鐵站 A2 出口再行一陣就到)