好多時，的確係好難避免興衰，遊戲公司更加係首當其衝。因為遊戲最重要既都係幾點，故事情節、玩法同畫工，無論少左邊樣，對玩家既吸引力都會大大打個折扣。而故事情節同畫工更好似係潮流咁，玩家既口味都係不斷咁轉，要求更只係有增無減。
Konami，我相信大家對佢既認識絕對唔會陌生，Metal Gear 系列、Winning Eleven、心跳回憶，遊戲種類咁廣，真係幾難一隻都未玩過佢地既遊戲。唔知大家玩過邊幾隻呢？
－幻想水滸傳
對我黎講，最認識既都係 <幻想水滸傳>，個人比較鍾意 RPG，而且製作認真，分支故事又多，108 個好漢遍佈唔同既角落，仲要達到唔同既要求先會肯加入你既反政府軍團。淨係揾齊佢地既過程，玩一堆既小遊戲，呢點真係豐富左個遊戲唔少。又要揾寶、儲紋章打主線。呢種 RPG 遊戲而家真係少之又少。
 |
| 呢種 Q 版風，想當年真係無得彈 =v= |
－心跳回憶對戰方塊～
第二隻就係 <心跳回憶>，其實我唔係玩故事個隻，而係呢隻對戰方塊～你呢邊消一行，對手就會加一行，一次消幾行仲會有 combo，轉眼就會填滿對方個畫面，如果自己啲方塊砌得唔好，消得唔夠快就會轉眼輸光光～小學時期間唔中就會拎出黎同家姐話，雖然我玩的很爛，但點都叫做另一隻印象深刻既遊戲～
 |
| 中間既兩隻動物係真實地反映緊戰況 XDXD |
－究竟後 Konami 時代會係點？
依家手機遊戲一堆堆咁出，出品週期短，而且較大既手機遊戲公司更會一堆堆免費遊戲推出黎，玩家唔鍾意玩呢隻就可以轉過第二隻再玩過。淨係玩家既揀 games 模式已經被轉變左好多。而且比手機遊戲分割左個遊戲市場，盈利未必再好似以前咁豐厚，公司設計大作既意欲更加無咁大。嗯嗯。。。
(圖片取自網絡)
Reference:
[一代皇朝的沒落？KONAMI 遊戲盛轉衰大回顧] http://technews.tw/2015/05/31/konami-game/