嘗試緊寫下唔同既野，今次係食評 =)
每逢星期五都會去試下 d 未食過既餐廳，OpenRice 左一下，再加 d 以訛傳訛，上上個星期五就試左呢間：Dan Ryan's Chicago Grill，勝在地點向又一城，交通好似算幾方便。
雖然話星期五晚，但又唔洗等特別耐，半個鐘就有位。 (之前試過排其他餐廳要成個鐘。。)
好多餐包 XD
未叫野食就先上一大碟餐包。。加兩個 Muffins。通常餐廳都係數人頭或者跟餐既，但我地三個人，呢碟就有 3個包 2個 Muffins。
而且睇落食落都唔似一般頹餐包。。
 |
| 一大碟餐包+Muffins |
 |
| 呢個 Muffin 真係幾好食，暖暖地，好鬆化，而且有好多合桃係裏面 |
前菜 + 沙津 賣相同味道都唔錯
成個晚餐最好食既相信都係呢個小食拼盤同烤三文魚凱撒沙津。前者係想試多幾款小食，所以向個 menu 揾既。
薯仔皮係一樣對我黎講幾特別既野食，佢係的的確確焗薯仔皮，上面應該係加左 d 芝士，我覺得幾特別，值得試一次～
而後者就係靠 OpenRice 既推介所以揀既，三文魚係烤過既，成碟味道都唔錯。
 |
| 小食拼盤 |
 |
| 烤三文魚凱撒沙津 |
主食 － Mixed Grill Platter (肉類拼盤) 味道一般
又係因為想試多幾款既關係，主食叫左個拼盤。講賣相其實都唔差既，碟既舖排都幾好。但係同餐牌上面寫既 4-6 人既份量就好似有少少出入。不過我地三個人再加前菜都算好夠食。
味道方面，排骨 (back rib) 唔算太差，但係 d 肉唔係咁入味，得外面有個 dressing。
雞整得太老，如果唔係外面個醬味道唔錯，真係唔係咁想食。
叫左牛羊都係五成熟，但係呢，食既時候比想像中熟好多。
羊都勉強叫做五成熟，但都只係中規中矩。
西冷牛扒可能係薄身既關係，切開睇落似係十成熟，味道一般。我諗大大塊既 18oz 應該唔係咁既質素？
 |
| 講賣相都唔差既 |
超中伏既 Italian Milk Shakes。。
揀野飲，見到咁多野飲揀，所以就試下 d 新野啦，咁又見到呢個 "Italian Milk Shakes" 個名幾得意，又向個餐牌上面係紅字 (其實唔知點解係紅字...)，咁就打算試下佢啦。叫完然後上網查下，成份係 Baileys Irish Cream, Amaretto 同 Chocolate Milk。
簡單 d 講就係：酒精 A + 酒精 B + 朱古力奶～
飲落幾重朱古力既甜味，但係唔太鍾意佢隻酒既味。
完。
 |
| Italian Milk Shakes，只能說唔啱我口味。。 |
總結：唔好點推介以外既野
呢個地方環境同氣氛都唔錯，我地果日去，睇住隔離枱個小妹妹同佢既屋企人開生日會，真係幾開心既。不過講食物，唔知係咪因為揀既主食都唔係重點推介，我覺得味道同我預期有少少落差。
我諗下次去食，相信都會唔洗諗，一定叫番餐牌上面最重點推介既 18oz 肉眼扒或者係 18oz 西冷扒！
今餐推介：
- 小食拼盤
- 烤三文魚凱撒沙津
- Muffins =v=