天然豚骨拉麵專門店一蘭 - 味好，可惜偏貴

因為向銅鑼灣，時間又比較晏，差唔多 10 點幾，有唔少餐廳都已經截左單，收緊舖。。
就因為 friend 既一句「係銅鑼灣無理由食粥舖囉」，所以就滾動左 Openrice 好一段時間。。


排隊排左一段時間，入到去見到每個人會有一個獨立既位置，就好似啲自修室咁。。。

因為第一次食，所以保守少少揀配料、湯同麵既時候，都係圏普通。

基本建議食法味道幾唔錯，因為鍾意食少少辣 (但其實唔係好食得太辣 =v=")，加底既時候都加辣去到普通級別，辣度幾接近 "煳辣/10小辣"。
雖然我比較鍾意硬身少少，但對我黎講普通硬度已經好夠口感。

另外叫左個豆腐甜品，好好食～豆味好濃，先食一盒清清味蕾，食完個麵再食另一盒。。。 :3 如果食完一蘭唔會揾下場食甜品，呢個真係要試下 

本來我係向張加底紙畫左要加辣到普通既，
但個職員話其實加辣加多過 10 倍先需要加錢，
然後就係張加單紙上面幫我劃走左 =v=" 

性價比唔算太高，起跳已經係 $89，本身麵底又唔算多，基本上都一定要俾多 $15/$19 加底先會夠。
其實我唔肯定平時食開果一塊紫菜應該有定應該無，我照點左一份，但點完先發現 $10 兩塊紫菜好貴。。。
蛋，每次就算唔跟餐都會另外叫，但呢隻一蘭蛋整得唔算特別好，蛋黃已經有少少熟左既跡象，味道打左小心折扣。。呢個位我覺得應該要改進一下。

是次消費- $130
評分-
地址- 銅鑼灣謝斐道440號駱克大廈A座地下H及I舖