茶木‧台式休閒餐廳 - 好食既士多啤梨磚塊~

呢間係我好唔明既餐廳，無論任何時候都係咁多人，男男女女又有，一家人黎食又有，BB 係到嗌既又有，所以又唔係完全係一間港女甜品舖。
有次平日夜晚向銅鑼灣唔知食咩好，指定動作都係開個 app 睇下附近有咩食，見到有間分數唔錯，就諗住過去試下，點知行到過去雖然人唔多，但係大大話話都有十幾人，職員已經喑示話：你今晚無得食㗎啦，過主啦。

好，死唔心息，擇日約左個 friend 再去銅鑼灣，諗住打去訂定枱就唔洗排隊。。。
哦，係無得訂枱既。
好啦咁，但明明又係平日，去到見到餐廳外面已經有唔少人排緊。。。

環境係幾唔錯既，雖然枱同枱之間都好近下，唔洗刻意都聽到隔離枱既對話。。。 (其實好似無幾多間啲枱係隔得遠既，反正大鄉里唔會怕隔離枱嘈 =v=)

呢間店話係食台式食品，點了一個炒麵，三杯雞同蠔餅三個主食，兩個人分食完唔算太飽。無問題既，因為都要留下肚食甜品。