超人勁到連颱風都打走埋～

作為超人粉絲，當然唔會錯過任何睇超人嘅機會啦！而近期香港就搞左個超人展加舞台劇，個舞台劇真係好正呀！雖然上個星期仲擔心緊打風，但都好好彩，唔洗橫風橫雨咁行入去博覽館睇超人！
嗯嗯，一定係因為超人勁到打走左個風！ XDXD

呢個 50 週年嘅展覽加表演，有齊咁多代嘅超人出曬黎同大家玩遊戲同影相，就算你唔知邊個係超人 Zero 都唔緊要，由初代超人打到最新嘅超人 VICTORY，保衛香港，大朋友同小朋友應該都一樣睇得咁開心！
雖然展覽裏面有好多遊戲玩，不過全部都係預俾小朋友玩，所以有好多時間慢慢影下超人～

同怪獸 :D

咁多支地球保衛隊嘅槍同制服，你又認得出幾多呢？ :P

舞台劇嘅相呢，雖然見到前後左右嘅人都係起勢咁影呀影，但係作為乖嘅小朋友，當然就係專心睇表演啦～

不過都影張謝幕照俾大家睇下啦 XD

全部有出過場嘅超人出黎謝幕～

唔知幾時再有超人睇呢～？

同場加映：迷の食品

究竟從邊個角度睇係同超人有關？你放塊超人公仔嘅朱古力都好呀。。。。