前幾日收到封電郵，用左幾秒掃左成封電郵，見佢咁好人翻譯左做三個版本，咁就揀左個最順眼嘅睇啦。點之，唔對路 wor 師兄，你噏咩呀。
結果，我用左成分鐘，睇曬三個版本先知究竟封信想我做咩。。
一齊睇下第一個版本：
"您的文件已經從 Place U 發出去"
假如你見到呢句句子，你會理解到幾多野？
大概會係有份文件發出左。但份文件衣家係邊？唔知。你要做啲咩？唔知。再睇下一句：
"Your document(s) have been collected from Place U"
呢句字眼上用左 "have been collected"，"been collected" 有被動嘅意思，直譯會係 "被收取"。而呢句我會翻譯成 ：
"已收到從 Place U 送出的文件"
跟第一個版本唔同嘅地方係除左表示已經發出，仲講出衣家唔係仲上緊路，而係已經到達左目的地。
好，最後一個版本：
"您的 Document V 已送达您自己选择的地点，请您在15日内前往领取。"
如果睇得明嘅話，你會知道多兩個信息：
1. 到達左嘅文件係 Document V
2. 你要係 15日內領取 Document V
呢個翻譯無再提及 Place U，而只係 Document V 同叫你快啲去拎。
真係好奇怪，因為理論上呢個機構係英文作為母語，但係睇完英文嘅版本都唔係好肯定我收到封電郵之後要做啲咩。又或者可能原作者寫開最後嘅呢種文字，然後用佢對其餘兩種文字嘅理解寫左第一同第二句翻譯文。
其實你識唔曬三種文字嘅話，係咪應該問下人？
又或者信住 Google Translate 先？
"Your Document V has been served on the location of your choice, please visit within 15 days of receiving."
"您的Document V 已送達您自己選擇的地點，請您在15日內前往領取。"
雖然譯得好差，但起碼睇嘅人知道收到封電郵要做啲咩呀，師兄。
如果大家下次要做翻譯嘅話，記住幾點：
1. 文字裏面寫清楚你想人地知道嘅野
2. 了解清楚你要翻譯嘅語言先好做翻譯
其實都好基本啫，係咪？